Mas dumami pa ang mga nagbukas na tourism related establishments ngayon sa lalawigan ng Zambales.
Ito ay matapos ang ilang taong mahigpit na restriksyon dulot ng covid-19 pandemic.
Ayon kay Provincial Tourism Officer Maria Mora, noong 2018 hanggang 2019 ay nasa dalawang daan lamang ang mga accommodation establishment sa lalawigan pero ngayong ikatlong kwarter ng taon ay umabot na ito ng halos apat na raan.
Isa pang indikasyon na mas lumakas pa ang turismo ng lalawigan ay dahil ilulunsad ng Department of Tourism Region 3 ang bagong Surf and Glamp Adventure Product sa darating na October 19 hanggang 21.
Inaasahan nang mas dadami pa ang mga magiging interesadong bumisita sa probinsya.//Jen Bayot-BNFM OLONGAPO
