Arestado ang ginakabig top 6 most wanted person sa probinsya sang Capiz matapos ginserbihan sang warrant of arrest sa Barangay Malangabang, Concepcion, Iloilo.
Ginkilala ang akusado kay Kyle Bryan Bajador Diaz, yara sa legal nga pang-edaron, kag residente sang Barangay Centro, Dao, Capiz.
Nagapangatubang sang kaso nga RA 10883 ukon ang Anti Carnaping Law Act of 2016 si Diaz.
Ang warrant of arrest ang gin-isyu ni Hon. Kristine B. Tiangco Vinculado, Presiding Judge, Sixth Judicial Region, Branch 16, Roxas City napetsahan Abril 26,2023.
Ginrekomendar sang korte ang piyansa nga P200,000 para sa temporaryo nga kahilwayan ni Diaz.
Sa karon, nakahunong sa karsel sang Dao PNP ang suspetsado para sa nagakaigo nga disposisyon. | KMD Gicalde
