Nagapabilin sa kustodiya sang Tapaz Municipal Police Station ang ginakabig nga Top 4 Most Wanted Person in Municipal Level kag Top 9 in Provincial Level matapos ginserbihan sang warrant of arrest sang mga kapulisan sa CIDG Capiz PFU 6, DPWH Compound, Kilometer 1, Roxas City, Capiz.
Ang wala na ginhingadlan nga akusado ang nagapangatubang sang kaso nga Rape ukon pagpanghimulos kun sa diin ang warrant ang gin-isyu kag permado ni Judge Judith Orendain Tonogbanua sang RTC 6, Branch 20 Mambusao, Capiz, napetsahan sadtong Oktubre 10, 2023.
Ginrekomendar naman sang korte ang P200,000 nga piyansa para sa temporaryo nga kahilwayan sang nasambit nga akusado. | Judy Ann Juare
