CAMARINES NORTE- Inalis na ng Philippine Coast Guard ang kautusang pansamantalang nagsususpinde sa pagbiyahe ng mga maliliit na bangka sa karagatang sakop ng Camarines Norte.
Batay ito sa inilabas na Notice to Mariners kaninang umaga ni LTJG Ronnie Rey Pabico, Acting Commander ng Camarines Norte Coast Guard Station.
Kahapon ng hapon ay pansamantalang sinuspinde ng PCG ang biyahe ng mga bangkang 250 gross tons pababa dahil sa Low Pressure Area na namataan malapit sa East Northeast ng Legazpi City at East ng Daet.
Ang pinagbasehan umano ng PCG sa lifting ng temporary suspension of voyage ay ang advisory ng Pagasa kaninang madaling araw .
Sa ngayon ay kalmado ang sitwasyon ng karagatan pero makulimlim ang panahon na may mahinang pag ulan simula pa kaninang umaga.
At kahit lifted na ang temporary suspension sa paglalayag ng mga maliliit na bangka sa lalawigan ay pinag iingat pa rin ang mga mangingisda.
