Bumaba ng mahigit sampong porsyento ang teenage pregnancy sa Central Luzon sa taong 2020.
Batay sa datos na hawak ng Commission on Population and Development Region 3, 10.74% ang ibinaba nito.
Ayon kay PopCom Region 3 Dir. Lourdes Nacionales, noong 2019 ay mahigit 20-thousand ang naitalang kabataang maagang nabuntis habang sa taong 2020 ay bumaba na ito sa mahigit 18-thousand.
Isa sa posibleng dahilan umano ng pagbaba ng teenage pregnancy sa rehiyon ay ang mga restriksyon sa pandemya dahil nalilimitahan ang labas ng mga menor de edad.
Samantala, sa buong bansa naman ay 13% na ang ibinaba ng teenage pregnancy.//Jen Bayot-BNFM OLONGAPO
