Talagsaong kawatan ang misaka ug milungkab sa usa ka panimalay dha sa may P-7C Paradise brgy. Pob Trento Agusan del Sur kagahapon sa kadlawon hunyo 2, 2021.
Gikabutyag mismo ni Nenen Fabiana ang tag-iya sa maong panimalay nakawat kanila ang duh aka cellphone, charger, Vape lakip na ang tres mil kenintos pesos (3,500) nga kwarta. Sa pakighinabi ning sibyian sa brigada news fm ngadto kang Nenen dako gayud niya nga gikatingad-an sa talagsaong kawatan tungod gibilin matud niini ang sim card, cover sa sa cellphone, lakip na ang memory card. Sa pagkakaron kutob na lamang sa pag-mahay ang maong pamilya.
Apan luyo sa maong panghitabo mapasalamaton gihapon kini tungod walay dautang gihimo kanila ang talagsaong kawatang misaka sa ilang panimalay samtang sila nangatulog.
