Patay ang usa ka trabahante nga taga Davao City human kini nakuryentihan didto sa Kidapawan City alas kwatro sa hapon kagahapon.
Ang biktima giila nga si Oyarzabal Berangel na taga Davao city kinsa dunay gitaod nga signage sa usa ka remittance center sa Quezon Boulevard apan aksidenteng nasaghiran ang live wire ug nakuryentihan og namatay.
Samdan usab ang kauban niini nga giilang si Johnery Datoon, 31 anyos nga residente sa Tulunan, Cotabato.
SA karon takdang ibyahe pauli dinhi sa Davao ang lawas sa biktima aron malamayan sa iyang pamilya. BNFM-Davao
