Maaaring maging mapanganib ang pagtaas ng sahod sa mga manggagawa kung walang pagtaas sa aktibidad sa ekonomiya.
Ito ang sinabi ni National Economic and Development Authority Director-General Arsenio Balisacan sa isang briefing kasama ang House Committee on Appropriations kahapon matapos tanungin kung walang plano ang gobyerno na magtaas ng sahod sa gitna ng mabilis na pagtaas ng presyo ng mga bilihin.
Sinabi ni Balisacan, ang dapat na gawin ay paramihin ang aktibidad ng ekonomiya upang tumaas ang demand sa labor.
Una nang sinabi ng Bangko Sentral ng Pilipinas na ang inflation rate ngayong Pebrero sa bansa ay posibleng nasa pagitan ng 8.5 porsyento hanggang 9.3 porsyento.//CA
