Bumaliskad ru sangka SUV nga saeakyan matapos ma lost control ru manobela sa karsadhon it Brgy. Mambog, Banga, Aklan.
Sa imbistigasyon it Banga Municipal Police Station, alas 12:45 kainat aga-aga, Mayo 13, sangka tawag sa telepono halin sa sangka residente ru nabaton it nasambit nga taeatapan.
Nag-imporma nga may bumaliskad nga USV nga saeakyan ag bumunggo sa konkretong kurae nga gina panag-iyahan ni Eleser Nallasca, 86 y.o.
Base sa dokumento, gina panag-iyahan ru saeakyan ni Serad Datu Abuat it Brgy. Balabag Boracay Malay, Aklan.
Sa pag responde it mga kapulisan sa lugar, naabutan ru pasahero it SUV nga si Omar Rombraan Adraman, 25 anyos nga taga Manoc-manoc Boracay.
Sa makaron, indi pa matuod it mga kapulisan kun sin-o ru driver it bumaliskad nga SUV bangud hasta sa makaron hay indi makita ru driver.
Nasayuran nga alin sa Caticlan paadto konta sa Iloilo ru SUV kat matabo ru aksidente.
Eagi man nga gin respondihan it MDRRMO-Banga, BFP-Banga ag Banga MPS ru insidente ag gin daea sa hospital si Adraman nga padayon pang gina bueong.
Samtang, naga padayn ru imbistigasyon it mga kapulisan sa insidente.//MARIVIC Y. ILIN
