Sa paghinakop eon it Batangas Maritime Police ro bading nga suspek sa ‘palit-pera’ modus nga nagpang biktima sa pilang establisyemento iya sa probinsya it Aklan.
Sa interview it Brigada News FM Kalibo kay Police Captain Benito Sibayao Jr., Station Chief it Batangas Maritime Police, bandang alas 6:45 ku nagtaliwan nga gabii kat maintercept nanda ro suspek ag sambilog pa nana nga kaibahan rasun nga ginpatigayun eagi ro pag aresto.
Base kay Police Captain Sibayao ginkilaea ro suspek nga si Evert John Diaz, 37yo nga taga Sampaloc Manila, pero nauna nga napabalita nga taga Pangasinan ro suspek.
Inako man segun it suspek nga may an-um pa imaw nga mga kaibahan.
Narekober sa suspek ro ap-at nga cellphone ag mga IDs.
Pagadaehon man it Nabas PNP ro nasambit nga suspek sa Aklan para mapasakaan it kaso it anang mga nabiktima. / ANN DESLENE SALAZAR
