Malipayon nga ginbalita ni Mayor Ronnie Dadivas sa publiko ang ila ginhinalaan ni Senator Bong Go matapos ini liwat nga nagbisita sa probinsiya sang Capiz sang damlag lang.
Suno kay Dadivas, nakalinyada naman ang syudad sang Roxas nga pagahamtangan sang Super Health Center Project pinaagi sa Department of Health.
Kabahin ang syudad sa 322 ka lugar sa Pilipinas kag 8 ka lugar sa Capiz nga butangan sang nasambit nga proyekto subong nga tuig 2023, lakip diri ang President Roxas, Jamindan, Mambusao, Pilar kag Sigma subongman ang Panay kag Panitan nga naghiwat sang Ground Breaking sang Lunes, Abril 17.
Plano nga ipabutang ni Dadivas ang Super Health Center sa 9-Star barangay nga malayo gid sa sentro sang syudad agud may malapit na nga kaladtuan ang pumoluyo nga nagakinahanglan sang atensyon medical kun sa diin pagabutangan ini sang birthding clinic, laboratories, dental kag madamo sang iban pa.| Judy Ann Juare
