Nasikop sa kapolisan ang usa ka street level indibidual sa gipahigayong buybust operation pasado alas 9 karong buntag sa So.Troso Brgy.Buluangan ning dakbayan San Carlos.
Naila ang suspetsado nga si Alyas Jovet,30 anyos,walay trabaho ug lumad nga nagpoyo sa nasangpit nga lugar.
Nakuha gikan sa possession ni alyas Jovet ang unom ka sachet sa gituhuang shabu lakip ang buybust item nga gibana-banang may gibug-atong 2.15 gramos nga mobalor ug 14,620 pesos,usa ka coin purse,500 pesos nga buybust money.
Sa Pakignabi sa Brigada News Team sa suspetsado nga matod pa tuig na siyang gagamitan sa illegal nga druga ug dugang pa sa suspek nga nagsugod siya pagpamaligya niadtong nakalabayng buwan.
Sumala pa sa kapolisan nga duha ka semana nilang gimonitor ang suspek.
Sa karon detinado na sa custodial facility sa San Carlos City Police Station ang dinakpan kasong paghupot ug pagbaligya sa illegal nga druga ang paga-atubangon niini.
