SORSOGON CITY – Nagsimula na kaninang umaga, Hunyo 7 ang Step 2 ng National ID System registration sa lalawigan ng Sorsogon.
Sa pahayag sa Brigada News FM-Sorsogon ng head ng Phil. Statistic Authority na si Elvira Apongol, sinabi nito na ang aktibidad ay kinabibilangan ng finger print at front photo capturing, iris scanning at biometrics.
Paliwanag ng opisyal, prayoridad nila ang una na nilang binisita sa kanilang isinagawang house to house registration noong Enero hanggang Abril na umabot sa 171, 588 na indibidwal.
Dagdag pa ng opisyal na mayroon silang mga itinalagang registration centers sa bawat bayan na pupuntahan ng mga naka-skedyul para sa nasabing aktibidad.
