PADAYON ang gihimong monitoring sa Social Security System (SSS) sa mga unpaid contribution sa pipila ka employer sa Southern Mindanao.
Base sa rekord sa SSS, nakita nga naa sa 98 ka employer ang nasuta nga delinquent sa pagbayad SSS contributions sa ilang empleyado.
Dayon nang gikasuhan sa SSS ang 28 ka mga employer gikan sa Tacurong, Cotabato, Koronadal ug General Santos City. Human nasuta base na usab sa reklamo sa mga empleyado nga wala sila’y remittance sa SSS kontribusyon sa mga empleyado.
Gikan sa 98 ka mga negosyo nga naadtoan sa Southern Mindanao, asa 70 niini ang nag-comply human giadtoan sa sakop sa SSS, dungan sa paglusad sa Run After Contributions Evaders o RACE campaign. Giberipika usab ni Eric Ubanan, mananagat, taga Barangay Mabuhay ang iyang remittance aron masiguro usab ang pagkaangkon og benepisyo ugaling kini ang manginahanglan.
Una nang, gibutyag sa SSS nga maka-avail ang mga nasangpit og pandemic relief ug restructuring o enhanced installment payment programs, nga himoong flexible ang payment terms. Ang delinquent employers ang maka-settle sa ilang unpaid contributions sulod sa siyam hangtud 60 kabulan, depende sa kantidad. I Richel Gubalani
