Kasubo human nawad-an sa iyang party wife o asawa ang hinungdan sa pagkabalik sa balaod sa ka CPP-NPA Terrorist (CNT), didto sa Headquarters sa 8th Infantry “Dependable” Battalion, Poblacion, Impasugong, Bukidnon.
Bitbit ang M16 Rifle, upat ka mugbong magazine, ug unom ka buhing bala, mitahan ang kanhi Squad Leader sa Squad 2, Platoon Copper, Headquarters Force Neo, North Central Mindanao Regional Committee (NCMRC) nga nailang si Hodi Singayan Almahan @Talumbaboy, 35-anyos, residente sa Brgy Binicalan, San Luis, Agusan del Sur.
Saysay niini, Dako matud pa ang iyang kahiubos sa mga NPA dihang gibiyaan lamang siya human namatay sa engkwentro ang iyang party wife nga si Hailyn Almahan @Enzie, kanhi Medic o Supply Officer sa samang unit ug parente niining si Ayon Almahan, human na engkwentro tali sa tropa sa gobyerno sa Sitio Tamyang, Brgy Binicalan, San Luis, Agusan del Sur niadtong Mayo 8, 2021.
Lakip nga mitahan ang pito ka miyembro sa Milisya ng Bayan nga sila Noli Guilosan, Jerry Fabiana, 20-anyos; Benedy Odinlay Flores, 27; Wilson Fabiana Saplidan, 18; Manlistahan Buscada Saplidan, 75; @Sarah, 17; ug Jemalyn Saplidan Almahan, 27.
Matud ni 8IB Commander, LTC Anthony Bacus, ilang gikalipay ang pagsurender sa mga kanhi NPA ug gisaad niining mutabang arun maangkon ang Enhanced Comprehensive Local Integration Program (E-CLIP) nga giandam sa gobiyerno.
