PATAY nang nakita sa mananagat ang usa ‘sperm whale’ o balyena sa kadagatang bahin sa Barangay Gumasa, Glan Sarangani Province. Sa impormasyon sa PNP-Maritime sa Glan, dunay 25 katiil ang gintas-on samtang gibana-banaang naa sa duha ka tolenada ang ginbug-aton.
Sa pagkakita sa mga mananagat sa lugar, wala na kini kinabuhi nga naglutaw-lutaw sa kadagatang bahin sa lugar. Matud ni Joy Ologuin, protected area superintendent (PASu) sa Sarangani Bay Protected Seascape (SBPS) ginahulat lang nila ang pag-abot sa sperm whale sa baybayon.
Aron kini ang gilayong malubong tungod sa baho niini nga delikado sa mga residente sa komunidad. Sutaon usab sa mga nasangpit kung dunay samad nga naangkon ang sperm whale o ang hinungdan sa kamatayon niini. Samtang ang 11.9 meter patay nga sperm whale nga napalgang patay sa lugar atong 2019 ang takda nang ipailawom sa deboning. I Richel Gubalani
Photos by: Sarangani_Marpsta
