SORSOGON CITY – Kinumpirma ng Phil. Health Insurance Corp o PhilHealth-Bicol na sa kabuuang 78 na accredited Konsulta providers sa Bicol, nasa 24 na akreditadong Konsulta providers, ang naitatala na sa lalawigan.
Ang may mga pasilidad na ng PhilHealth Konsulta ay kinabibilangan ng Sorsogon West District Health Office, Sorsogon Provl Hospital, Sorsogon East District Health Office, Bacon District Health Office, Sta Magdalena-RHU, RHU Pto Diaz, Pto Diaz Medicare Hospital, Pilar RHU, Matnog RHU, Matnog Medicare Hospital, Magallanes RHU, Magallanes Medicare Hospital, RHU Juban, Irosin RHU, Gubat RHU Gubat District Hospital, Donsol RHU Birthing Facility, Castilla RHU, Casiguran RHU and Friendly Clinic, RHU Bulusan, RHU Bulan, Bulan Medicare Hospital, RHU Barcelona at GSAC General Hospital.
Ang PhilHealth Konsultasyong Sulit at Tama o mas kilala na PhilHealth Konsulta ay ang pinalawak na primary care benefit ng PhilHealth katuwang ang DOH, maaari itong magamit ng lahat ng Filipino na nakarehistro sa isang Konsulta facility na kanilang pinili na akreditado ng PhilHealth.
Kahapon, Setyembre 21, ay inilunsad ng PhilHealth ang On-Site Registration para sa mga empleyado ng Kapitolyo na ginanap sa Sorsogon Provl Gymnasium. Ang kaganapan ay base sa pakikipag-ugnayan ng PhilHealth sa Provl Govt of Sorsogon sa pangunguna ni Gov Edwin Hamor, sa City Govt sa pamumuno ni Mayor Ester Hamor at LGU Castilla sa pamumuno ni Mayor Isagani Mendoza.
