Bubuo ng Technical Working Committe ang Pamahalaang Lalawigan ng Sorsogon para sa pagho-host nito ng Palarong Pambansa 2025.
Matatandaan na nitong buwan ng Pebrero, inaprubahan sa Sanggunian Panlalawigan ang pagbibigay kapangyarihan kay Governor Boboy Hamor na muling magbid ang lalawigan para maging host ng Palarong Pambansa 2025.
Kasunod ito ng pagkansela ng DepEd sa unang pagbid ng lalawigan bago ang pandemya ng Covid-19.
Matatandaan na nitong buwan ng Mayo lamang ng magpalabas ng Executive Order No. 22-2023 ang opisina ng Gobernador upang bumuo ng Technical Working Committe na siyang tututok sa paghahanda ng Palarong Pambansa.
Anya, maraming mga bagong pasilidad ang Sorsogon na maipagmamalaki, at pwedeng magamit at kayang mag-accommodate ng pambansang kompetisyon.
