Gioktaba una ni Davao City Mayor Sara Duterte-Carpio ang State of the City Address (SOCA) ngadto sa Enero tuig 2022 gikan sa orihinal nga petsa.
Subay sa anunsyo sa City LGU, rason niini aron hatagan og panahon ang Mayor nga makasalmot sa BBM-Sara Uniteam sa paghatag og hinabang sa mga naapektuhan sa Typhoon Odette.
Dungan niini giawhag sa Mayor ang Dabawenyo nga makigduyog sa kasub-anan sa mga naapektuhan ilabi na niadtong nawad-an og kabanay.
Una nang nagpadala ang lokal nga panggamhanan og rescue ug medical teams gikan sa City Health Office, Davao City Central 911’s Emergency Medical Sevices (EMS), Urban Search and Rescue (USAR), Fire Auxiliary Services (FAS), Southern Philippines Medical Center doctors, ug social workers sa City Social Welfare and Development Office (CSWDO).
Ang delegasyon kasamtangan na karong gideploy didto sa
Ubay, Bohol Province, nga nitabang sa relief ug rescue operations.
