LEGAZPI CITY – Pigbubusol ngunyan kan Legazpi City Health Office (CHO) an enhanced smoke-free ordinance sa syudad.
Segun kay Smoke-Free Regulatory Unit, Enforcement Team Leader Jose Balbin, obheto kaining mas mapalangkaw an penalidad sa pinagbabawal na pagsigarilyo sa pampublikong lugar kumpara sa dating kaparehong ordinansa.
Sa irarom kaini, magigin PHP1,000-2,000 an pwedesir nindang kahampangon na multa.
Mientrastanto, naenot na man na nagkondusir an opisina nin Smoke-Free Committee Inspection na parte kan saindang taon-taong Search for Non-Monetary 100% Smoke-Free Legazpi.
Liwat man na nagpagirumdom si Balbin sa publiko dapit sa pag-utob sa presenteng ordinansa para sa ikakarahay kan bilog na komunidad sa manalaen-laen na aspeto.
