SAGOL ang reaksyon sa nagapungko karon nga SK Federation president ug Ex Officio member sa Sanguniang Panlungsod sa Gensan sa naaprobahan sa Senado nga pagpaoktaba sa SK ug barangay election sa Disyembre 05, 2022 ngadto sa ikaduhang Lunes sa Disyembre 2023.
Sa pamahayag ni Councilor John Demdam nga adunay pwede pa nga pamatud-an sa kasamtangan nga nagapungko ug sa susamang panahon nahiubos usab kini tungod ug alang ngadto sa mga tawo nga gustong ipakigbahin ang ilang kahanas sa pagdumala ug gustong makatabang sa uban nga mga tawo.
Hinuon giangkon niini nga kasagaran kanila nga mga SK sa Gensan ang nagatuo nga paigo na ang upat ka tuig nila nga pagpanerbisyo.
Kalabot niini nga kon ugaling mamahimong hingpit nga balaod ang pagpaoktaba sa maong eleksyon ug mapirmahan ni Pangulong Ferdinand Bongbong Marcos Jr., iprayoridad nila ug iangkla ang mga programa nga nanukad sa Philippine Development Youth Plan nga gikan sa kaulohan. I Danny Casi
