Willing daw si SURIGAO del Norte 2nd District Rep. Robert Ace Barbers na mag-facilitate ng pag-uusap kasama ang Senado sa gitna ng word ward ng Mataas at Mababang Kapulungan kaugnay ang constitutional economic amendments.
Sa isang briefing, binigyang-diin ni Barbers na kailangan na talagang umupo at magpulong ang mga Kongresista at mga senador dahil isa itong paraan upang maresolba ang hidwaan, at makausad na.
Kasabay nito, muling iginiit ng mambabatas na dapat nang silipin, pag-aralan, at ameyndahan ang restrictive economic provisions ng Saligang Batas.
Hangad daw nila na maging globally competitive ang bansa dahil nauunuahan na ang Pilipinas ng mga karatig-bansa nito.
Ani Barbers, huwag nang hayaan pa na maunahan ng ibang mga bansa gaya ng Myanmar ang Pilipinas dahil makaaapekto ito sa buhay ng mga Pilipino.
