LEGAZPI CITY – Nagsagawa ng simulation excercise (SimEX) on response active shooting incident ang mga kapulisan mula sa Philippine National Police (PNP) Bicol sa Bicol international Airport kasama ang MDRRMO ng Daraga, Albay.
Ayon kay MDRRMO head, Engr. Bim Dineros, ito ay upang malaman kung gaano kahanda ang emergency response team pagdating sa pagresponde sa mga kritikal na sitwasyon tulad ng shooting incident.
Kasama rin sa isinagawang actibidad ang PNP Aviation Security Unit 5, PNP Canine Unit, PNP Scene of the Crime Operatives at Armed Forces of the Philippines (AFP).
Sa ngayon, inaasahan na patuloy ang gagawing paghahanda ng mga tauhan sa nasabing paliparan upang mas maging pulido at epektibo ang kanilang emergency response.
