Uman nga ginpadumdom sa publiko nga posibleng maduea-an it signal sa mga cellular phones sa selebrasyon it Senior Santo Niño de Kalibo Ati-Atihan Festival 2024.
Raya hay bangud igapatuman ro Signal Jamming sa mismong adlaw it kapiestahan.
Ginhayag ni Police Col. Victorino Romanillos Jr., provincial director it Aklan Police Provincial Office (APPO) nga makaangkon it signal jamming sa January 21 halin it 6am to 9am.
Samtang, ginaeauman nga mas magaabo pa ro tawong maga pamiesta sa selebrasyon it Kalibo Ati-Atihan.
Suno kay Col Romanillos, ku 2023 hay nailista ro kapin sa 120k nga tawo, ag posibleng madugangan pa makarun nga dag on ro magaagto sa ginakabig nga Mother of All Philippine Festivals. // ANN DESLENE SALAZAR
