MAGLIHOK na ang kapulisan aron maundang ang mga pagpamusil patay sa Gensan gumikan naka-alarma kini sa mga sibilyan nga nagpuyo sa syudad.
Sa reaksyon nga nakuha sa Brigada gikan sa pipila ka tigpaminaw sila nagkanayon nga gikuyawan usab sa kalit nga sunod sunod nga pagpamusil patay.
Sumala kay Hermie Lopez nga taga Apopong, hingkod ang pangidaron nakadungog usab siya sa balita nga adunay gipusil sa milabay nga gabei nga ang biktima usa ka negosyante ug manager sa bangko, nasundan sa sikad driver ug pagka adlaw nga Martes usa ka ATM Technician ang biktima.
Tungod niini, gibati usab niini ang kabalaka ug nagadula sa iyang huna-huna kung unsa kaha ang mga posibleng hinungdan niini.
Gidugang ni Lopez nga posible nga adunay nagpaluyo sa pagpamusil kay dili man daw kini mahimo sa yanong tawo.
Nagpadayag usab sa kabalaka ang laing tigpaminaw nga nagpaila sa pangalang Linda, sumala niini nga dapat molihok na ang kapulisan aron ma-undang ang pagpamusil.
Nahilum daw sa pipila ka higayon ang Gensan gikan sa patay apan karon nabalik na usab,wala man gani daw nahitabo sa panahon sa election period karon na hinuon.
Naglibog usab daw siya kon unsa ang mga hinungdan, ang sigurado lang daw nga ang mga sinugo aron mopatay o hired killer nagaplano bag-o himuon ang kremin. I Ver Diazon
