Ginarekomenda it Sangguniang Bayan it Kalibo kay Mayor Juris Bautista Sucro nga magtukod it separar nga Municipal Environment and Natural Resources Office MENRO ro Munisipyo.
Sa Resolusyon nga gin-author ni SB Member Augusto Tolentino, ginrekomenda sa Alkalde nga kinhangean nga may una nga designated office nga magapatuman it mga ordinansa ag laye nga maga protekta sa palibot.
Ginpaabot man ni Vice Mayor Cynthia Dela Cruz nga manami nga tikang ro magkrear it separar nga MENRO office eabi pa ag naga umwad ro sangka banwa.
Sambilog segun sa mabahoe nga ginatutukan makarun it LGU Kalibo hay ro basura.
Sa makarun hay ginbutang ni Mayor Sucro bilang MENRO Designate si Mr. Joey Orquiola, Planning Officer II. // ANN DESLENE SALAZAR
