Arestado ang isa ka senior cetizen matapos ginserbihan sang warrant of arrest sang mga kapulisan sa Purok Masinadyahon, Brgy. Jagnaya, Jamindan, Capiz takna alas 5:52 kahapon sang Lunes, Hunyo 24.
Ginkilala ang nadakpan kay Arsenio Gracio, 66-anyos, residente sang nasambit nga lugar.
Nagapangatubang sang kaso nga pagpanghimulos si Gracio.
Ang warrant of arrest ang gin-isyu kag ginpermahan ni Judge Jose C. Furtuno, Presiding Judge, RTC, 5th Judicial Region, Branch 48, Masbate City, napetsahan Mayo 14, 2012.
Wala naman sang pyansa nga ginrekomendar ang korte para sa temporaryo nga kahilwayan sang suspetsado.
Sa karon, nagapabilin sa kustodiya sang Jamindan PNP ang suspek para sa nagakaigo nga disposisyon kag natalana ini nga iturn-over sa iya court of origin. | Judy Ann Juare
