Binati ni Senadora Imee Marcos si Department of Agriculture, Secretary, Francisco Tiu Laurel Jr. matapos ang mabilis nitong aksyon sa isyu ng National Food Authority (NFA).
Ayon kay Marcos, sa pamamagitan ng inilabas na preventive suspension na anim na buwan ng Office of the Ombudsman para sa mismong administrator ng NFA at maging sa mahigit isang daan nitong opisyales at empleyado ay agad na matutukoy ang mastermind sa likod nito.
Maliban pa roon, agad din umanong mapapanagot sa batas ang sinumang mapapatunayang sangkot dito.
Maalala, ayon kay Marcos, binuo ng kanyang ama ang NFA upang mapanatili ang mababang presyo ng bigas at matiyak na mayroong sapat na buffer stock ang mga Pilipino sa panahon ng kalamidad.
