KORONADAL CITY- BINUKSAN na ng provincial government ng South Cotabato ang 2023 Search for Dangal ng South Cotabato – Employee Integrity Award.
Layon ng Dangal ng South Cotabato Employee Integrity Award na kilalanin at parangalan ang mga empleyado na nagpapakita at nagsusulong ng integridad at hindi matatawarang serbisyo at magandang performance sa paghahatid ng serbisyo sa taumbayan.
Napag-alaman na mga permanent employees lamang ng provincial government ng South Cotabato ang maaaring i-nominate sa naturang search ngunit maaaring makapagsumite ng nominations ang mga permanent, coterminous, casual, contractual at mga job order workers.
Kabilang sa criteria for judging ang mga sumusunod: Specific acts of Integrity and Consistency and Influence within the Organization – 35%; Acts of Integrity – 40%; Other Factors – 15%; at Awards Received – 10%.
Ang deadline ng submission ng nominations ay itinakda sa May 31, 2023.
