SORSOGON CITY – Kinumpirma ng Sorsogon City Prime Water (SCPW) na sa ngayon ay nasa restoration na lang sila ng suplay ng tubig habang 100% na rin nilang natapos ang pipe replacement activity.
Sa panayam ng Brigada News FM Sorsogon kay SCPW Branch Manager Engr. Hendrickson Latonio, sinabi nito na bago matapos ang buwan ng Agosto ay makukumpleto na ang kanilang proyekto na unang sinimulan nitong Marso kung saan nasa P30M ang kabuuang nagastos ng kompanya.
Kaugnay nito, inanunsyo rin ng opisina ang 15% na pagtataas ng taripa sa tubig sa huling kwarto ng taon o sa buwan ng Setyembre kung saan tiniyak naman nito ang pagbibigay ng mas magandang suplay ng tubig sa lungsod.
