Suportado ni Kalibo Sangguniang Bayan member Augusto Tolentino ro Senate Bill No. 2028 nga expanding coverage of monetary benefits para sa mga 80-year-old ag 90-year-old Filipinos sa idaeum it Centenarian Law.
Sa presente nga laye, ro senior citizen nga nagaistar sa Pilipinas o sa ibang nasyun nga nag abot eon sa edad nga 100 hay mataw-an it P100,000 nga cash gift ag Letter of Felicitation halin sa President of the Philippines.
Base sa Senate Bill 2028, ro mga benepisyaryo hay makabatun it andang cash gift sa sueod it sang dag on, pag abot nanda sa edad nga 80, 90 ag 100.
Ro mga senior citizen hay ginataw-an it P10,000 kung umabot sa 80 anyos, P20,000 para sa 90 anyos ag P100,000 para sa centenarians.
Ginpahayag ni SB Tolentino nga maabung magueang sa Aklan ro makasamit it dugang nga benepisyo halin sa “Expanding the Coverage of the Centenarians Act” sa pag abot nanda sa pagtunod it andang kabuhi.
Samtang, ro bueanan nga pensiyon halin sa P500 hasta P1,000 para sa pigadong senior citizen hay igapatuman sa 2024. // ANN DESLENE SALAZAR
