LEGAZPI CITY – Nanutaran an sarong sawa na nakapurupot sa kable kan kuryente sa Purok 2, Brgy 16, Gapo, Washington Drive, Legazpi City, Albay kan nakalihis na sanang lunes, Hulyo 8, 2024.
Segun sa mga residente kan nasambit na barangay, paramientras subuot na nawaran nin kuryente sa saindang lugar kasubagong maagahon.
Halagad dai man subuot ninda akalaon na sarong sawang nakapurupot sa kable nin kuryente palan an kawsa kan power outage sa nasambit na lugar.
Dahil digdi, tulos man na nagresponde an mga lineman kan Albay Electric Cooperative (ALECO) asin mga personahes kan nasambit na brgy. asin tulos man subuot na nakua an nasambit na sawa sa kable nin kuryente.
Pig-asigurar man kan nasambit na kooperatiba na tulos man subuot na ibabalik an kuryente matapos an nangyaring insidente.
