Nag strike euman ro suspek sa pagpang budol matapos kara nga mabiktima ro sangka shop nga nagabaligya it beauty products sa may Kalibo Shopping Center.
Base sa interview it Brigada News FM Kalibo sa owa eon ginpangaeanan nga biktima nga tag ana it shop, may nag agto kana nga sangka babaye ag nagpakilaea nga nurse ag nag order it beauty products nga nagabalor it P30,000.
Matapos ma-pack ro anang order hay may gulpi segun nga nagtawag kana nga nadisgrasya ro anang asawa nga sangka Canadian national sa may Toting Reyes St., Kalibo.
Naghueam segun ro suspek it P4,000 sa biktima bangud basi ano segun ro matabo sa asawa kara nga naaksidente.
Hasta makarun hay owa pa nakabalik ro suspek.
Matandaan nga ku Hulyo eang hay may nabudol man nga sangka boutique sa Kalibo Shopping Center nga kaparehu man sa nasambit nga modus. // ANN DESLENE SALAZAR
