Sangka restaurant iya sa banwa it Kalibo particular sa 19 Martyrs St, Kalibo ro nabiktima it peke nga P1,000.
Base sa facebook post it Hangout Kalibo, sangka babaye ro nagsueod sa andang establisyemento kainang 11:55 it udtro-adlaw ag nag order it milktea.
Nagbayad segun raya it 1,000 pesos nga ginbatun man it cashier bangud sa unang tan-aw hay matsa matuod raya ag gin-ubrahan eon dayun imaw it milktea.
Nagadali segun raya bangud may anang agtunan pero kat Makita kara ro CCTV hay naghambae imaw nga balikan lang ro anang order pero hasta makarun hay owa segun raya nagbalik. / ANN DESLENE SALAZAR
