Sangka homemade short firearm ro boluntaryong ginsurender sa Nabas Municipal Police Station.
Ro nasambit nga armas nga owa it serial number hay ginsurender it sangka 45 anyos nga eaeaki nga residente it Brgy. Solido, Nabas, Aklan.
Sa makarun hay sa kustodiya eon it Nabas MPS ro armas para sa nagakaigu nga disposisyon.
Raya hay bangud gihapon sa ginpabaskug nga kampanya it “Tokhang Kontra Armas Luthang (TKAL) ag programang “Armas Baylo Bugas”. / ANN DESLENE SALAZAR
