Uwa it pagahiwaton nga street dancing o “sadsad” sa dag-onan nga selebrasyon it Ati-Atihan Festival sa masunod nga dag-on bilang paghaeong sa posible nga pagkalat it COVID-19.
Pero bukon man it tanan nga aktibidad it Ati-Atihan para sa Enero 2022 hay pagabue-on, base raya sa kumpirmasyon it pamunuan it Kalibo.
Ro nasambitan nga sangka dominggo nga selebrasyon nga pagahiwaton sa masunod nga buean – halin Enero 10 hasta 16 hay magataeana gihapon it mga kaganapan nga nagapakita it selebrasyon it Ati-Atihan kapareho eamang it mga masunod:
* inter-barangay mosaic contest
* “Bendisyon” photo contest
* Pinta Ati (Ati-Atihan-themed painting contest)
* “Suksok ni Santo Niño” costume design contest
* Miss Kalibo Ati-Atihan beauty pageant.
MAgahiwat man it Novena prayers ag daily masses sa Saint John the Baptist Cathedral./JIL B. LACSON
