GIPANGHINAOT ni retired Brigadier General Jimili Macaraeg ngadto sa tanang kapulisan sa region 12 nga dili pakyason ang pagsalig nga gihatag sa katawhan.
Atol sa turn-over ug sa iyang pagretiro gihatagan niini og gibug-aton ang pagsalig nga gihatag sa katawhan nga sa sulod sa upat ka quarter kapin sa 90 porsyento ang gihatag nga grado sa hisgotanan nga pagsalig sa kapulisan.
Tungod sa maong kalampusan ginapasalamat ug ginapasigarbo ni Macaraeg ang tibuok hanay sa PNP-12.
Sa pagpungko ni Police Brigadier General Augustos Placer isip labaw sa PNP-12 gihingusgan niini nga isip pagtuman sa ilang mandato ilang ipatuman ang balaod, ipromotar ang kalinaw ug sigurohon ang seguridad sa komunidad.
Sugod karong adlawa pormal nga pamunoan ni Placer nga PNPA Tagapaglunsad Class of 1993 ang dul-an sa otso mil nga strong PNP personnel sa region-12. I Danny Casi
