Limitado una karon ang ginapahigayong RT-PCR testing sa Davao City kini human naguba ang machine nga ginagamit sa Southern Philippines Medical Center-Molecular Laboratory nga maoy nagaproseso sa swab specimen.
Tungod niini gibutyag ni Dr. Michelle Schlosser, ang tigpamaba sa Davao City COVID-19 Task Force nga madelatar ang resulta sa RT-PCR test alang sa mga mipailawom sa test sa mga milabay nga adlaw.
Dugang sa opisyal nga gipaningkamutan usab karon nga mahibalik sa normal ang operasyon sa molecular laboratory sa Davao Interntional Airport ug Los Amigos aron ma-cater ang tanang na-contact trace.
Apan sa karon dili una i-swab ang mga natumbok sa surveillance strategy sama sa DQR, nagpuyo sa high risk barangay, community swabbing sanglit hatagan una og og prayoridad ang mga F1 o closed contacts ug katong mga nakasinati sa influenza-like illnesses.
Hinoon mamahimo sumala pa nga magpa-swab sa pribadong swabbing testing center uila na niadtong nagkinahanglan mukuha og health pass swabbing alang sa health certificates.BNFM-DAVAO
