Gin-aprubahan eun sa nagtaliwan nga session it Sangguniang Bayan ro dugang nga honorarium it mga child development worker sa banwa it Kalibo.
Sa nasambitan nga resolusyon ro dati nga P1,600 nga honorarium hay magiging P3,500 pesos.
Base sa taeatapan, igin-aprubahan nanda raya bilang pagkilaea sa mga sakripisyo nga ginahimo it mga volunteer workers agud matur-an ro mga unga it Kalibo.
Maliban pa kara, sambilog man raya sa mga paagi agud mataw-an it sabat ro kinahangeanon it mga child development workers kapin pa sa tiempo kung siin haeos nga mga baeaklon hay nagataas bangud sa krisis./JIL B. LACSON
