Natingala apan na overwhelmed si Davao City 1st District Rep. Paolo Z. Duterte sa dihang nalakip ang iyang pangalan sa senatorial surveys alang sa 2025 midterm election.
Kabaloan nga sa sunod-sunod nga survey nga gipahigayon naapil ang pangalan sa batan-ong Duterte sa senatorial candidate kalakip sila Senators Bong Go ug Bato dela Rosa nga puro naggikan sa Davao City.
Sumala pa ni Rep. Duterte nga nagsugod siya sa politika nga giserbisyohan ang Dabawenyos ug buot niya nga mao gihapon ang iyang himoon hangtod nga siya muretiro.
Dugang pa niini, nga wala sab siya’y kapasidad labi na sa pinansyal alang sa nationwide campaign.
Ug ang iyang gamay nga natigom ang gitagana alang sa iyang retirement ug pagpa-eskwela sa iyang mga anak.
Saysay sab niini nga bisan sa termino pa sa iyang amahan, daghan na ang gaawhag kaniya nga mudagan pagka-senador, apan dili sumala pa sayon nga biyaan ang mga Dabawenyos.
Apan ginakayon niini nga mangayo kini’g blessings gikan sa iyang pamilya, gumikan sila ang unang maapektohan unya sa mga black propaganda panahon sa eleksiyon.
Dako sab ang pasalamat sa opisyal sa mga Filipino kinsa miboto kaniya ug mikonsidera sa nasangpit nga posisyon.
Alang kaniya, igo na nga dunay kanhi Presidente ug kasamtangang Bise Presidente sa pamilyang Duterte nga nanilbihan sa nasud.