Hinimok ni Department of Justice Secretary Jesus Crispin Remulla si Bureau of Corrections Deputy Security Officer Ricardo Zulueta na harapin ang mga reklamong pagpatay na inihain laban sa kanya para sa pagkamatay ng broadcaster na siPercy Lapid at Cristito Villamor Palana.
Nag-react ang Justice Secretary sa social media post ng abogadong si Lauro Gacayan na nagsabing siya ay kinuha bilang legal counsel ni Zulueta.
Si Zulueta ay co-respondent ni suspended BuCor Director General Gerald Bantag sa mga reklamong pagpatay na inihain ng National Bureau of Investigation (NBI) at Philippine National Police (PNP) sa DOJ noong November 7.
Sa kabila ng pagpapalabas ng mga subpoena, hindi pinakinggan ni Zulueta o ng kanyang abogado ang patawag na humarap at maghain ng kinakailangang counter-affidavit.//CA
