Nagpaabot it reklamo ro pilang multicab drivers nga biyaheng Banga-Kalibo bangud owa eon segun haeos sanda it ma-parkingan it andang saeakyan bangud sa on-going nga construction it relocation site para sa meat ag fish section.
Nasayuran nga temporaryong iga-relocate ro pilang vendors agud maumpisahan man ro construction it Kalibo Public Market.
Base sa pilang na-interview nga drivers it BRIGADA NEWS FM KALIBO, nalisdan sanda kung siin maga-park ngani ro iba hay sa kilid eon it karsada it San Lorenzo drive kung siin, igto nahamtang ro Eastern terminal.
May una segun sanda makarung area nga gina-parkingan pero pribado raya ngani naga kabaeaka man sanda nga basi pahalinon sanda it tag-ana. // ANN DESLENE SALAZAR
