LEGAZPI CITY – Nagtiripon kasuudma an manlain-lain na mga alkalde sa Bicol Region kasabay an mga personahes kan Philippine Army asin Philippine National Police (PNP) para sa Regional Peace and Development Summit na ikinondusir sa Legazpi City.
Segun kay Department of Interior and Local Government (DILG) Bicol Regional Director Atty. Arnaldo Escober, Jr., duwang aldaw na aktibidad ini na may temang “Building on the Gains of Executive Order No. 70 Towards Institutionalizing LGU-Led Peace and Development Initiatives”.
Magkakaigwa digdi nin dayalogo an mga alkalde dapit sa mga programa para sa peace and order and development efforts.
Matao ini nin plataporma para sa mga local chief executives na iheras an saindang mga naeeksperyensyahan, pinakamaray na gawi, mga makabagong solusyon para sa pagbusol kan katoninongan asin kauswagan sa rehiyon.
Obheto man kaini na pagsaruon an pag-inguwa kan national asin government stakeholders tangaing maprayoridad an paghahatod nin mga basic government services, social development packages asin pagtindog ki mga imprastraktura.
