LEGAZPI CITY – Piglatag kan Commission on Elections (COMELEC) Bicol an mga lugar sa rehiyon kun sain pwedesir makapag-avail kan Register Anywhere Program.
Sa irarom kan programang ini, an mga aplikante gikan sa ibang lugar, pwedesir makapagparehistro, magpa-transfer, magpa-correct asin mag-update kan saindang record sa registration.
Sa intrevista kan Brigada News FM Legazpi kay COMELEC Bicol Regional Director Atty. Ma. Juana Valeza, sinabi niya na an mga lugar kun sain pwedesir maaprubetsaran an programa iyo an COMELEC offices sa mga capital towns kan mga probinsya asin an mga highly urbanized cities kaibahan an Naga City asin Pili sa Camarines Sur; Virac sa Catanduanes; Sorsogon City sa Sorsogon; Daet sa Camarines Norte; Masbate City sa Masbate asin Legazpi City sa Albay.
Mientrastanto, an nasambit na programa, magigin abilable sana kada enot na Sabado kan bulan.
