ILOILO CITY – Nagpanguna ro Western Visayas sa may pinakamaabung nailistang namatay bangud sa pagpanaeasa it Bagyong Odette sa southern ag central portions it nasyun.
Raya hay base sa initial data nga ginpaguwa it National Disaster Risk Reduction and Management Council (NDRRMC).
Sa 14 nga death toll, an-um ro naghalin sa Region 6, ap-at sa Central Visayas, sambilog sa Eastern Visayas, sambilog sa Northern Mindanao, ag sambilog sa Caraga.
Pero ginklaro it pamunuan it Department of the Interior and Local Government (DILG) nga subject for verification pa ro nasambit nga numero.
Sa latest data it Office of Civil Defense (OCD-6), kapin sa 30,827 nga pamilya o 112,620 nga mga indibidwal ro nailistang naapektuhan it bagyong Odette sa rehiyon. / ANN DESLENE SALAZAR
