Kinumpirma ng Philippine Consul General sa Milan na kasalukuyang iniimbestigahan nito ang dalawang ahensya at limang indibidwal na sangkot sa umano’y recruitment scam.
Ayon kay Consul General Elmer Cato, iniimbestigahan nila ang mga ulat ng mga kahina-hinalang job offers sa nakalipas na dalawang buwan.
Dagdag pa nito na dalawang ahensya na ang kanilang iniimbestigahan ukol sa mga reklamong pinaabot ng mga biktima.
Kinumpirma ni Cato na mga Pilipinong nakabase na sa Milan ang mga nagrereklamo at nagsisilbing “middlemen” sa pagitan ng kanilang mga kaibigan o kamag-anak sa Pilipinas.
