SORSOGON CITY – Arestado ang Top 1 at Top 2 most wanted person sa patuloy na pagpapatupad ng intensified campaign against wanted person ng Magallanes Municipal Police Station.
Kinilala ang rank No. 1 MWP na si Manuel Benavides Belangel Jr. alias Onyok, 31-anyos, binata, walang trabaho at naninirahan sa Brgy Pili habang ang rank No. 2 MWP naman ay nakilalang si Eduardo Gojo Espedillon, residente ng Brgy Biga ng parehong bayan.
Sinilbihan si Belangel ng kanyang warrant of arrest noong Lunes, Setyembre 5 sa kasong murder na walang itinakdang piyansa.
Si Espedillon naman ay nahuli sa Brgy Malainen sa Naic, Cavite sa kasong murder din.
Nagtago ito sa batas ng halos 13 taon matapos ang krimeng nagawa sa nasabing bayan.
Himas rehas na ang mga ito matapos na maibalik sa kani-kanilang court of origin.
HinihIntay na lang ng Magallanes MPS ang ipapalabas ng korte na commitment order sa mga akusado.
