LEGAZPI CITY – Dakop kan mga otoridad an Rank No. 3 Provincial Most Wanted Person sa Purok 2, Brgy. Maipon sa banwaan kan Guinobatan, Albay.
Binisto an akusado na si alyas “Federico”, 48 anyos, paraoma asin residente kan nasambit na barangay.
Segun sa report, hapon kan magpasiring an mga otoridad sa naumbitan na barangay kasabay an 1st APMFC asin PHPT Albay tanganing isirbi an mandahamiento de aresto na pirmado kan Enero 11, 2024 para sa nasambit na kaso na wara nin piyansa.
Sa ngunyan, nagtetenir na sa kustodiya kan pulisya an akusado para sa magkakanigong disposisyon.
