Itinalaga ng Akari si deputy Raffy Mosuela bilang interim head coach ng Chargers bago ang 2024 PVL All-Filipino Conference na nakatakdang magsimula sa susunod na buwan.
Pansamantalang pamumunuan ni Mosuela ang koponan, kasunod ng pag-alis ng Brazilian tactician na si Jorge Souza de Brito.
Aniya, magiging malaking hamon ito para sa kanya at sa kanyang coaching staff, ngunit nakapagsimula na silang mag-adust sa paparating na conference.
Makikipagtulungan din ang 42-anyos na si Mosuela kay Japanese mentor na si Taka Minowa, na kamakailan ay tinangkilik bilang pinuno ng operasyon ng parehong Akari at Nxled.
