Nasakote ang isang lalaking umano’y Rank 3 Provincial Level Most Wanted Person matapos ang ikinasang operasyon ng pinagsama-samang pwersa ng mga awtoridad sa San Antonio, Quezon nitong Huwebes, Enero 25.
Sa bisa ng warrant of arrest na inisyu ng korte, nadakip ang akusado na kinilalang si alyas “Joseph”, 35-anyos at residente ng naturang bayan.
Si alyas Joseph ay may kinakaharap na kasong Rape with Sexual Assault sa ilalim ng criminal case number 2023-2089 na may inirerekomendang piyansa na nagkakahalagang ₱200,000.
Sa ngayon, nasa kustodiya ng awtoridad ang suspek para sa kaukulang dokumentasyon at disposisyon.
